Ram hla takah lehkha zir tir a ngai kher em?

Mizo hmeichhia te hi ram pawnah lehkha zirsan tir a tha kher em??

Tunlai khawvel chu intihsiakna a sang tawh a, zirsan a ngai ngei mai. Mahse, zirna pawimawhna lampang ai chuan kan va zirna hmun leh standard lam intih changkanna hi kan rilru put hmang leh kan nunphung a ti chereu lo maw tih hi ngaihtuah tel a va tha awm ve.

Tun hma chuan Zofate chu mi hawihhawm tak, nungchang mawi tak, tlawmngaihna nun nei tiin miten min fak thin a, kan intih Mizo-na pawh a ni tel nghe nghe. Mahse, zirna lama kan intlansiakna kawngah hian fel lo lai chu a awm ngei a ni. Tun hma kan nun mawi te kha a chuai zel tak hi.

Vairamah leh phaiah te lehkha zir turin kan intih hmuh a, Foreign kal te kan intih hmuh a. Kal theih nan sum neih zawng zawng kan seng thin a, mahse kan thalai ho hi an changkan dan han en hian a dik lo tlats. Kan nula ho hi Vairamah leh ram pawn an thlen hian an Mizo-na a dal telh telh a, kan nu leh pa te hriatloh hlanin hnamdang mipa an kawp a, an Flirt vel a, changkang an intive em em ringawt.

Rampawng an han thlen hian an Free ta viau a ni ang, an hawiher leh awm dan a danglam nghal tawp. Phaia awm rei tawh te hi chu What is Living Together ti ila Daily Life an ti mai ang. Living together te chu pawi an ti tawh lo nasa….

Vai leh hnamdang mipa an han kawp a, an Flirt pui a, an in nei leh tak tak chuang lo a, Heart Broken inti em em hian thian te hnenah an sawi leh mai mai a. Hetianga an awm hnu hian Mizo soceity anga an awm leh hi harsa an ti tawh si a, Mizo zia chu Boring tawp an ti leh si a, Vai pasal nei thei tak tak si lo, Mizo soceity nuam ti tawh si lo, Mizo soceity-a an tlatlum tum pawhin in thlahrung ve tawh si ho hi an tam teh a nia…

Hetiang nula ho hi an khawngaihthlak ve a nia… An induh ve laklawh si, Vai leh hnamdang lo kawp tawh si.. Inti Mizo ve duh tho si hian an vak ruai ruai maw le….

Chuvang chuan e, kan Mizo nula te u.. in ngaihtuah chiang teh u. Nu leh pa leh chhungkhat unau te pawh hian Mizo nula Vai kawp leh living together mai mai tur hian in fate in phal nge phal lo hi ngaihtuah a hun tawh e….

Chhun zawm zel tur….